Özbekiston Prezidenti BMT Boş kotibining maxsus vakili bilan hamkorlik kun tartibi kengligini qayd etdi
Özbekiston Respublikasi Prezidenti Şavkat Mirziyoyev 7-aprel kuni Toşkent şahrida ötayotgan Parlamentlararo ittifoqning 150-Assambleyasi doirasida BMT Boş kotibining bolalarga nisbatan zöravonlik masalalari böyiça maxsus vakili Najat Maalani qabul qildi.
Yuqori martabali mehmon davlatimiz rahbariga Birlaşgan Millatlar Taşkiloti Boş kotibi Antoniu Guterrişning samimiy salomini yetkazdi.
BMT institutlari, xususan, Maxsus vakil ofisi bilan bola huquqlari, erkinliklari va qonuniy manfaatlarini himoya qiliş böyiça köp qirrali şeriklikni rivojlantiriş masalalari körib çiqildi.
Maxsus vakil Özbekiston yetakçisining bolalarni zöravonlikning barça şakllaridan himoya qiliş, xotin-qizlar va bolalarni mojaroli hududlardan qaytariş, bolalar mehnatiga barham beriş borasidagi samarali islohotlarini yuqori baholadi.
Bola huquqlariga oid xalqaro normativ-huquqiy hujjatlarni işlab çiqiş, bola huquqlarini himoya qiliş böyiça qonunçilik va milliy institutlar faoliyatini takomillaştiriş masalalarida hamkorlikni rivojlantiriş muhimligi qayd etildi.
Şuningdek, Toşkent şahrida bolalarga nisbatan zöravonlikning oldini oliş böyiça mintaqaviy konferensiya va BMT boş qarorgohida Özbekistonning amaliy tajribasi bilan tanişiş böyiça davra suhbatini ötkaziş masalalari körib çiqildi.

